رشاش
طارق الشمالي
هلّق مش وقت نتكتّف
هلّق وقت نتكاتف
هلّق مش وقت نتشارع
هلّق وقت نتسارع
على قصر العدل
مطرح ما قصِّر العدل
مطرح ما عدّلوه
فصًّلوه على اساس مرسوم
بس نحنا مرسومنا على حيطان
نحنا مش ضدّ الجبش
بس نحنا بدنا نجيّش الشباب
هبّو قومو قاومو تَ يعدلو
عن سوء العدل يلّلي عملو
الواننا الصارخة رح بتضلّ تحكي
بتسمعها حتى لو سدّيت اذتك
ونحنا مش ناطرين اذنك
تنقول يلّلي بدنا نقولو
بيقولو انو الفعل اهمّ من الحكي
كيف بعد اذا الفعل هوّي حكي
نحنا سلاحنا شعارات
نحنا الذخيرة الحيّة
نحنا الظاهر حيّة بتلذع الضمير
نحنا ما رشيّنا خراطيش
نحنا رشيّنا على الحيطان
بسّ نمسك القنينة
بصير كل واحد منّا
.. رشاش
تمت كتابة هذه الكلمات بمساعدة اشخاص موهوبين لا يمكنني الكشف عنهم بمناسبة اطلاق كاتبي الشعارات من السجن
No comments:
Post a Comment